Transcript of "احتراف كتابة الإعلانات | الجزء الأول: كيف تكتب إعلانًا جذابًا وناجحًا!"

بسم الله الرحمن الرحيم. اهلا وسهلا بيكم. انا المهندس محمد نجم ... وانت بتشوف قناة علمني على اليوتيوب ... مين فينا يا اخواننا ما كانش اونلاين ... وفجأة لقى الاعلان ظهر ليه بالشكل اللي قدامكم ده ... تمام؟ الاعلان كان ملفت للنظر جامد بحيث أن النص بتاعه كان مغري ... لدرجة أنه اجبرني ان انا اقف واشوف الاعلان ده للاخر ... او كان ماشي في الشارع مثلا ... وشوفت يافطة انت او انا ... شفت يافطة عليها نص معين والنص ده حب الاستطلاع خلاك تقف وتقرا اليافطة بالكامل ... مين ما تعرضش للكلام ده؟ اغلبنا ان لم يكن كلنا ... صح؟ طيب ... ده بقى اسمه أيه ؟ أسمه فن كتابة الاعلانات ... انه يعرف أزاى يجر رجلك ... وفن كتابة الاعلانات ليه ناس متخصصة ... وهعرض عليكم دلوقتي مجموعة امثلة ومنها هتعرف انا عايز اقول لك ايه ... ماشي؟ بس عايز رأيك في التعليقات ...وقل لي انت اتعرضت لاي نوع من انواع الدعاية اللي هتظهر قدامك دلوقتي ... ركز وهتلاقيني في بعض الاوقات ما بعلقش وفي بعض الاوقات بسيب لك الصور فقط لا غير.

كل اللي اتعرض عليكم دوت يا اخوانا امثلة من وحي الواقع ... دي امثلة حية وحقيقية على استخدام فن واساليب كتابة الاعلانات ... طيب في سؤال مهم ان لم يكن دار في دماغكم ... تمام ؟ رد فعل الناس دي كان بالشكل ده ليه ؟ واللي حصل ده ليه ؟ انا اقول لك. تعال معي بقى يا سيدي ... كل اللي فات واتعرض عليك دوت ورد فعل الناس كان بالشكل ده من خلال تقنية اسمها تقنية فن كتابة الاعلانات. التقنية دي هدفها هدف وحيد ... ايه هو؟ هدفها التاثير على قرار العميل بالشراء ... من خلال نص بيلفت نظره ويحفزه ... اتفقنا؟ بس خد بالك من خلال النص ده ... العميل يا اما يقرر يتعامل معك ... يا اما يسيبك. طيب بص ... الكلام اللي انا قلته ده على اساس انك واخد في الحسبان باقي عوامل نجاح الاعلان ... استهداف سليم ... تصميم جميل ومتناسق ... عرض مغري وحددت شخصية الافاتار بتاعك ... تمام؟ طب التقنية دي لو انا اتقنتها هستفيد أيه ؟ .

انت كمعلن هتقضي على اي عائق بيمنع عملية الشراء ... وده من خلال النص المكتوب ... اللى انت بتقول للعميل فيه انا عندي حل لمشكلتك ... الحل اللي انت بتدور عليه ... بسيطة ... طيب قبل ما ندخل في الجد في سؤال مهم جدا ؟ . دار في دماغ اغلب الناس اللي موجودة. وهو ايه الفرق بين التخصصات اللي هتعرض واللي هتطلع قدامك دلوقتي؟ ايه الفرق ما بين تسويق المحتوى ؟ وكتابة الاعلانات ... والفرق ما بين كتابة الدعايات. خدوا بالكم دول عباره عن تلات تخصصات مختلفة.

وكل تخصص ليه شغله وليه ناسه ؟ ركزوا ... طيب بصوا يا اخواننا كل اللي فات ده هدفه حاجة واحدة بس. ايه هي؟ هدفه انه بيساعدك (انا اسف لو في ضوضاء معلشي) هدفه انه بيساعدك على كتابة نصوص تلفت نظر العميل لمنتجاتك او خدماتك ... علشان يبدأ ياخد معك اول خطوة في عملية البيع. شوف السؤال المهم اللي هيظهر قدامكم دلوقتى بقى ... طب يا باشمهندس لما هم كلهم هدفهم واحد ... ايه اللي بيفرق بينهم ؟ انا كراجل مبتدئ او لسه في المجال جديد ... وعايزاعرف اشتغل على التخصص واحد ولا اتنين ولا تلاتة أزاى ؟

طيب ايه الفرق بينهم ؟ انا اقول لك يا سيدي. ركز معي بقى في اللي جاي. الفرق بينهم حاجتين اتنين ... هدفك انت عايز ايه بالزبط ؟ وايه هي الادوات المتوفرة معك؟ الكلام حلو ... بس برضو مش فاهمين. اقول لك يا سيدي. هنفترض مثلا ان حضرتك عايز تعمل اشهار... لمدونة او لمكان ما فالاشهار اللي انت عايز تعمله ده محتاج ناس متخصصة تكتب مقالات تدوينات ويكونوا محترفين ... دي ادوات أنت محتاجها ... طب انا عايز ابيع ... محتاج انك تعمل صفحة هبوط كويسة (ودى ليها ناسها ) عرض مغري.

ويكون عندك متخصص لكتابة الاعلان. شفت؟ هدفك والادوات المتوفرة معك هي اللي بتحدد انت هتشتغل على ايه ؟ طيب الكلام جميل من الظاهر ... بس الامور مش واضحة. واحنا برضو مش فاهمين اي حاجة من الكلام بتاعك يا هندسة. ما تقلقش ... عشان نقضي على الغموض اللي في الموضوع ده احنا محتاجين نعرف تفاصيل عن كل نوع منهم. وامثلة توضح الاسلوب المستخدم في كل نوع ... ما تقلقش مش هتخرج الا وانت فاهم كل كبيرة وصغيرة ... تعال معايا . اول نوع هو فن كتابة الاعلان. ركزوا في العرض الصورى اللي بيظهر قدامكم ... انت هنا بتدور عن احتياجات العميل ... ورغباته.

وبتقوم بتحقيقها ... بالفعل مش كلام تمام ؟ طيب اسلوب الكتابة اللي انا باستخدمه هنا اسمه ايه ؟ اسمه السرد القصصي ... كل ده هتعرفوه بالتفصيل ما تقلقوش وهتاخدوا عليه امثلة عملي ... بس اتقل معايا ... انت هنا بتعمل نص بيكون قادر على التحفيز على المبيعات المباشرة ... وممكن بقى تعمل اجراء بسيط تعرف منه مدى نجاح اعلانك ... ماشي الحال؟ كل ده هيكون مدعوم بامثلة عملي ... وانت اللي هتنفذها بنفسك ... وامثلة حقيقية من عملاء احنا اشتغلنا معهم ... تمام ؟ وهتاخد المثال وانت اللى هتنفذه بايدك ... طيب تاني نوع التسويق بالمحتوى ... ركز في الشكل الصوري اللي بيظهر قدامك.

التسويق بالمحتوى مفهوم بيرصد مسيرة الافتار بتاعك ... برضو يعني ايه؟ يعني العميل بتاعك من اول ما بيشوف البراند بتاعك لحد ما بيوصل لك هو عمل ايه؟ ايه الاجراء اللي عمله؟ مشي فين؟ راح فين؟ جه منين؟ هو ده ... وهي دية شغلة التسويق بالمحتوى ... انه يظهر ليك المسيرة دية ... مهمتة بقى اللى هو التسويق بالمحتوى انه يجيب لك عملا جداد باستمرار. طب وده بيكون عن طريق ايه؟ استراتيجية التسويق بالمحتوى اللي بتشتغل بيها ... طب يعني ايه برضو؟ مش فاهم... يعني التدوينات المتخصصة ... المقالات الاحترافية. كتب بى دى اف يكون لها قيمة تمام؟.

بس خد بالك ... هنا النتيجة بتكون على المدى البعيد والمتوسط ... بعكس الاعلانات. الاعلانات النتيجة بتاعتها وقتي. تسويق المحتوى على المدى البعيد. تالت نوع فن كتابة الدعاية ... ده نشاط بقى هدفه بيركز على انه يبني صورة للبراند بتاعك ... بيعمل للبراند بتاعك أيميدج . ايه هي بقى الصورة دي؟ مش بتاعتك ... دي بتاعة صاحب الشركة ... صاحب النشاط نفسه. عايز يوصل ايه للعميل بتاعه. ماشي؟ تمام ؟ ومهمة كتابة الدعاية انها تعزز مكانة النشاط بتاعك او شغلك في السوق المستهدف ... وكل ده بيتم من خلال ايه بقى؟ مجموعة اجراءات ... بتخلي عملك التجاري معروف عند الافتار بتاعك ... هوضح نقطة مهمة بقى ... كل مفهوم من المفاهيم التلاتة اللي احنا قلناهم دول ليه وظيفة مختلفة ... الا كتابة الاعلانات ... كتابة الاعلانات هي جوهر استراتيجية التسويق بالمحتوى ... والعكس صحيح ... طيب ممكن يكون بيدور في دماغكم سؤال أو في دماغ اغلبكم ... الكلام جميل ... بس الامور مش واضحة ... صح؟ ما تقلقش. كل ده هتعرفه من خلال امثلة عملية هتتدرب عليها ... وامثلة حقيقية ... هتتدرب عليها بنفسك.

ماشي؟ واولها دلوقتي ... هديك مثال عملي. من فضلك نفذ اللي هينطلب منك. هالة ... ده مثال حقيقي يا اخوانا هالة بلوجر جديدة عندها محتوى قوي محتوى جميل جدا ... بس للاسف ما فيش زيارات على المدونة بتاعتها او على حسابها او على صفحتها هالة عايزاك تساعدها وتقول لها تشتغل على اي نوع من الانواع اللي احنا قلناها ... عايز حضرتك ترد علي في التعليقات وصاحب الاجابة الصحيحة هيكون له حق انه يختار كتاب من مجموعة كتب هعرضها عليه ... الكتاب ده هدية مني ليك ... لو اجابتك صحيحة ... ونفذت اللي بينطلب منك ... حضرتك هتتواصل معايا ... لاء انا اللى هتواصل مع صاحب التعليق الصح واقول لحضرتك . اتفضل الكتاب ده هدية مني لك.

تمام؟ كتاب صغير وحلو بس هيقدم لك قيمة وفايدة ... اتفقنا؟ توكل على الله وابدأ ما فيش داعي للكسل ... انا منتظر تعليقاتكم ومنتظر اجاباتكم في التعليقات. وان شاء الله اشوفكم في الحلقة الجاية ... والسلام عليكم ورحمة الله وبركاته ولا اسألكم الا الدعاء .